U kap me 45 kg kokainë, arrestohet shqiptari. Nga raportimet mësohet se i arrestuari është Vaska Qirjako Leka, ndërsa operacioni është bërë nga policia greke.
Policia i ka sekuestruar edhe një pistoletë, kallashnikov dhe 146 fishekë. Droga, armët dhe municionet u gjetën të fshehura në banesën e 45 vjeçarit, në Koropi të Athinës.
Sipas policisë, lënda narkotike tregtohej nga shqiptari, i cili u arrestua pas informacioneve që policia greke kishte në rrugë operative. I arrestuari është i datëlindjes 1979.
Policia thotë se po heton për gjetjen e personave që ai mund të ketë bashkëpunuar.
Mbi pakot e drogës ishin logot NBA dhe Lebronjames, të dy emërtime të gjetura në shumë operacione të dy viteve të fundit çka tregon se kemi të bëjmë me një linjë të mirëorganizuar të trafikut të kokainës në Greqi.
Discussion about this post