Zbulohet emri i trafikantit shqiptar që u arrestua dje në Filat të Igumenicës me rreth 50 kg marijuanë dhe hashash çokollatë.
Bëhet fjalë për 25-vjecarin Miltiadhis Gusha, lindur në Fier dhe banues në Lamia të Greqisë. Brenda automjetit të të riut u gjetën dhe u sekuestruan 3 çanta me drogë që përmbanin 8 pako me 48 kg 280 gram marijuanë dhe 19 pako të vogla me 1 kg 917 gram hashash çokollatë.
Ndërkohë, policia greke ka shpallur në kërkim edhe një shtetas grek, i cili ka marrë me qira në një kompani makinash të përdorura, mjetin me të cilin u kap Gusha.
