Pronari i autobusit që u kap me 522 mijë euro të padeklaruara ditën e djeshme në Portin e Durrësit, nuk ka pranuar të bashkëpunojë me policinë për të treguar se kush i zotëronte.
Elidon Çela është arrestuar ditën e djeshme ndërsa sot ka refuzuar të dëshmojë para hetuesve për origjinën e qindra mijëra eurove të gjetura në kondicionerin e autobusit që vinte nga Italia dhe bën linjën Padova -Shqipëri.
Mosbashkëpunimi i Çelës me policinë ngre dyshime nga ana e këtyre të fundit se eurot e padeklaruara u përkasin grupeve kriminale që veprojnë në zonën e Padovas.
Kujtojmë se operacioni për zbulimin e 522 mijë eurove të padeklaruara në Portin e Durrësi tu zhvillua ditën e djeshme. Sasia e parave ishte ndarë në 6 qese plastike.
Discussion about this post