Ka nisur seanca për caktimin e masës së sigurisë ndaj djalit të ish-drejtuesit të Lëvizjes Studentore, Azem Hajdari, i cili mban të njëjtin emër. Sot në Gjykatën e Elbasanit, trupa gjykuese do të vendosë masën e sigurisë për të dhe mikun e tij, Ergi Gjumsi.
Prokurori Ritvan Skura ka dërguar në gjykatë kërkesën për caktimin e masës burg me afat 1 mujor, ndërsa gjyqtari Taulant Tafa ka nisur shqyrtimin e dosjes por me dyer të mbyllura pa praninë e mediave.
Azem Hajdari u arrestua 3 ditë më parë nga Policia e Elbasanit, pasi u kap me 5 doza kanabis në makinë. Të rinjtë ishin duke udhëtuar me një mjet luksoz “Audi” në qytetin e Elbasanit, ku u ndaluan për një kontroll nga policia në aksin rrugor Elbasan-Metalurgji me disa gramë kanabis.
Hajdari ka pohuar se nuk është përdorues i ndonjë lëndë narkotike, ndërsa shoku ka marrë përsipër çdo gjë, por nga përgjimet ambientale ka rezultuar se në fakt është djali i ish-gjytares Fatmira Hajdari poseduesi i kanabisit.
