Gjykata e Pogradecit ka lënë në burg 28-vjeçaren Erisa Fero, Likmet Bashën dhe 17-vjeçarin M. K. pasi u kapën në tentativë për të transportuar drogë një ditë më parë. Prokuroria ka kërkuar për tre të arrestuarit, mbi të cilët rëndon akuza e trafikut ndërkombëtar të lëndëve narkotike, masën e sigurisë arrest me burg, masë të cilën gjykata e ka lënë në fuqi.
28-vjecarja dhe dy bashkëpunëtorët e saj u ndaluan nga policia e Korçës teksa tentuan të transportojnë në Maqedoninë e Veriut një sasi prej 58 kg kanabis sativa.
Drejtoresha e IT te AKSHI-i, Erisa Fero bënte një jetë prej gangstereje dhe u kap në kufi me Maqedoninë e Veriut duke transportuar 58 kg drogë. Droga vinte nga Shkodra dhe dyshohet se janë të përfshirë edhe persona të tjera nga Fushë Kruja dhe Korça.
Bashkë me Feron u arrestua dhe Likmend Basha, 32 vjeç nga Fushë Kruja si dhe u ndalua një 17-vjeçar me inicialet M.K. Në skemë janë përfshirë dhe dy policë, të cilët dyshohet se kishin rol monitorimin e rrugës gjatë transportimit të lëndës narkotike.
Gjithashtu, Fero mësohet se kishte krijuar një raport intim me të arrestuarin Likmend Basha, 32-vjeçarin që u kap bashkë me të dhe që rezulton të jetë djali i një biznesmeni nga Fushë-Kruja.
Më herët, Fero ishte kallëzuar nga KQZ në prokurori për falsifikim të rezultatit të votave për zgjedhjet e 25 prillit 2021. Ajo ishte pjesë e Komisionit të numërimit të Votave në Tiranë, si anëtare e PS në një KZAZ dhe bashkë me 21 personat e tjerë akuzohej se kishin manipuluar rezultatin e votave.
Discussion about this post