Arrestohet shqiptari në Angli. Mediat britanike bëjnë të ditur se në pranga ka përfunduar Olsi Tafani, 38-vjeç. Ai tashmë është dënuar me 11 muaj burg nga autoritetet britanike, pasi u kap brenda një shtëpie e cila kishte lëndë narkotike.
Sipas mediave, Tafani mbërriti në Britani me një gomone, e për të shlyer borxhin prej 10 mijë paund ndaj bandës që i mundësoi kalimin e paligjshëm, u detyrua të kujdesej për bimët e kanabisit në një shtëpi në Burslem.
Ai u arrestua kur policia bastisi pronën në orën 18:00 më 12 dhjetor. Policia gjeti 120 bimë kanabis të rritur në një dhomë gjumi; 145 bimë kanabis të korrur në një dhomë tjetër gjumi dhe 150 fidanë në papafingo.
Në deklaratën e tij në polici, Tafani tha se mbërriti në Britani në gusht të vitit 2022, pasi kishte parë një video në rrjetet sociale që ofronte për të çuar shqiptarët në Angli.
Gjykatësi Hancox tha: Ju mbërritët në Britani me një varkë të vogël. Ju u kujdesët për kanabis për rreth 10 ditë. Ti kishe një çelës për pronën kur u arrestuat. Ju thatë se kishit frikë të largoheshit pasi besonit se do të lëndoheshit ose do të vriteshit nga njerëzit që ju kishin vendosur atje. Ju kishit vepruar si kopshtar për rreth 10 ditë. Kishte një shkallë të frikësimit dhe presionit të ushtruar ndaj jush nga ata individë. Një presion i tillë ishte i pamjaftueshëm për një mbrojtje ligjore.”
Discussion about this post