Një 61-vjeçar nga Kosova ka rënë në prangat e Policisë ditën e sotme në pikën kufitare të Morinës, pasi automjeti me të cilin ai po lëvizte, ishte i vjedhur në Gjermani.
Në pranga ka rënë Hajdar Kaqanolli, banues në Balloc, Kosovë, i cili u kap pasi pas përpunimit dhe verifikimit të të dhënave në sistem, automjeti tip “Nisan” që drejtonte, rezultoi i shpallur në kërkim ndërkombëtar nga Interpol Gjermania, pasi ishte i vjedhur.
Gjithashtu, nga verifikimi i dokumentacionit rezultoi se ky shtetas drejtonte automjetin i pa pajisur me leje drejtimi.
Materialet i kaluan Prokurorisë së Rrethit Gjyqësor Kukës, për veprat penale “Trafikimi i mjeteve motorike” dhe “Drejtimi i automjetit në mënyrë të parregullt”.
