Një 40-vjeçar është arrestuar në Gjirokastër pasi akuzohet se ka futur në Shqipëri përmes doganës së Kakavijës mallra kontrabandë, për të cilat paguhet akcizë. Burime nga policia për gijotina.com bëjnë me dije se i arrestuari është identifikuar me emrin Elton Mahmutaj.
Pas kontrollit të ushtruar në automjetin e tij tip “BMW”, në aksin rrugor Kakavijë-Gjirokastër, ku u gjetën produkte mishi, steka cigaresh dhe produkte të tjera ushqimore.
Ndërsa një doganier 31-vjeçar me inicialet A.O., është proceduar penalisht për veprat penale “shpërdorim detyre”. Në cilësinë e provës materiale u sekuestruan mallrat dhe automjeti.
Discussion about this post