Pavarësisht së forcat policore e arrestuan më armë në brez, Ramazan Rraja në drejtorinë vendore ka deklaruar se arma e zjarrit nuk është e tij. Kjo ka qenë e vetmja deklaratë e cila është dhënë para hetuesve, për të cilën nuk ka pranuar të flasë më shumë mbi personin që e dispononte apo që ja ka siguruar atë.
Rraja sipas Policisë prej muajsh fshihej në trekëndëshin Durrës-Lezhë -Tiranë, e duke qenë person në kërkim, lëvizjet e tij ishin të kontrolluara, duke ju shpëtuar postblloqeve policore dhe kontrolleve rutinë.
Po ashtu pas arrestimit të tij po verifikohen ambjetet ku qëndronte nipi i deputetit të Krujës. Ai u arrestua një ditë më parë me një person të shpallur në kërkim i identifikuar si Luiz Konomi, për të cilin gjykata e Elbasanit e la në burg atë.
Rraja pritet të dalë nesër para GJKKO-së për masën e sigurisë të dhënë në mungesë ndaj tij, ku akuzohet si i përfshirë në atentatin ndaj ish-prokurorit Arjan Ndoja, Rrumit dhe Andi Malokut, ku ky i fundit mbeti i vdekur.
Discussion about this post