U kap me pistoletë në Tiranë, Koshena u arrestua edhe si pjesë e laboratorit të drogës në Fier

Policia e Tiranës ka arrestuar një 30-vjeçar, i cili lëvizte i armatosur.

Gjatë operacionit policot të koduar “Fast” u vu në pranga shtetasi Kid Koshena, 30 vjeç, banues në Tiranë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Në Laprakë, shërbimet e policisë kanë ndaluar një automjet tip “Audi” me drejtues shtetasin Xh. S., dhe pasagjer shtetasin Kid Koshena.

Gjatë kontrollit të çantës së shtetasit Kid Koshena, shërbimet e policisë gjetën dhe sekuestruan, në cilësinë e provës materiale, një armë zjarri pistoletë me 2 krehëra dhe municion luftarak.

Kid Koshena ishte arrestuar në kuadër të operacionit për laboratorin e drogës në Frakull të Fierit, por u lirua nga Gjykata e Posaçme.

Ai ka qenë i dënuar më parë për plagosje të rëndë.