20-vjeçari Ervis Brasha, i riu që u arrestua pak ditë më parë në Kamëz pasi hiqej si polic dhe mashtronte qytetarët ka dhënë dëshminë e tij para grupit hetimor.
Bëhet me dije se i riu ka deklaruar se e ka fiksim këtë uniformë dhe pasioni për policinë e ka bërë sipas tij që të lidhë kontakte me shumë oficerë.
Burime për mediat bëjnë me dije se 20 vjeçari për 4 muaj ka punuar si punonjës i Policisë bashkiake në Tiranë dhe më pas ishte larguar dhe kishte aplikuar në Akademinë e Sigurisë. I riu nuk u shpall fitues duke ngelur në testin psikologjik.
Sakaq gjatë kontrollit në banesë, të riut iu gjetën 4 dokumente identifikimi me emra dhe fotografi të dyshuara të falsifikuara, 1 armë sportive të llojit pistoletë me 2 krehra përkatës, uniformë e Policisë së Shtetit, 16 stema dhe grada të ndryshme, si dhe 3 kapele me shenja të ngjashme me ato të Policisë së Shtetit.
Discussion about this post