Vetëm një ditë pas arrestimit, Policia e Tiranës ka liruar sot dy mjekët e arrestuar në Spitalin e Traumës pasi i ka marrë në pyetje.
Personat në fjalë janë shtetasit K.B. me detyrë infermiere dhe S. B., me detyrë mjeke. Ndërkohë që vijon të mbetet në qeli mjeku reanimator Fitim Marku, i cili u arrestua në flagrancë në vendin e punës nga agjentët e operacionales.
Sipas organit të akuzës, nga hetimet e kryera deri më tani, rezultonte se këto persona, merrnin shuma të konsiderueshme parash nga pacientë të ndryshëm për kryerjen e skanerave pranë Spitalit të Traumës në Tiranë.
Prokuroria vijon hetimet për dokumentimin e veprimeve të tjera të kryera edhe nga personel tjetër mjekësor i përfshirë në atë që vetë ajo e cilëson si skemë korrupsioni.
Discussion about this post