U kapën duke shitur kokainë pranë një qendre tregtare në Tiranë, arrestohen tre të rinjtë (Emrat)

Tre persona kanë përfunduar në prangat e policisë së kryeqytetit, pasi u kapën në flagrancë në momentin e shitjes së një sasie kokaine pranë një qendre tregtare.

Bëhet fjalë për shtetasit Iljaz Cullhai, Arjel Cinaj dhe Xhejson Mukaj.

Ndërkohë u sekuestruan 107 gramë lëmdë narkotike, e cila iu gjet të arrestuarve me vete.

Njoftimi i policisë

Finalizohet pas disa muajsh hetime, nga Seksioni për Hetimin e Narkotikëve, në drejtimin e Prokurorisë, operacioni policor i koduar “Collaboration 2”.

Si rezultat, për veprimtarinë kriminale të shitjes së lëndëve narkotike që kryhej nga 3 shtetas, u arrestuan në flagrancë shtetasit:

1. C., 21 vjeç, A. C., 21 vjeç dhe Xh. M., 19 vjeç, të tre banues në Tiranë.

Këta shtetas janë kapur në flagrancë, në afërsi të një qendre tregtare, në momentin e shitjes së një sasie kokaine (107 gramë), e cila iu gjet shtetasit Xh. M., gjatë kontrollit fizik.

Materialet procedurale i kaluan Prokurorisë, për veprime të mëtejshme.