Dy shqiptarë janë prangosur nga policia italiane, teksa shpërndanin sasi të konsiderueshme droge në Pesaro të Italisë. Arrestimi i tyre është bërë në zonën e Via Papirias. Të dy shqiptarët të cilët kishin qëndrim të rregullt në Itali kishin rënë në radarin e policise italiane për lëvizjet e tyre të dyshimta.
Agjentët e skuadrës së lëvizshme të policisë italiane ishin vendosur për ndjekjen e dy shqiptarëve pasi ata ishin të njohur në rrethin e trafikut të drogës.
Ata frekuentonin shpesh jetën e natës ku përdornin lokalet dhe pub-et për të shitur drogën, sipas mediave italiane. Sipas policisë italiane, me nisjen e sezonit të ri të verës rritet edhe konsumi, veçanërisht në lokalet e natës.
Discussion about this post