U kapën gati për vrasje në Vlorë, gjykata lë në burg 6 të arrestuarit

Gjykata e shkallës së parë në Vlorë ka vendosur të lërë në fuqi masën e sigurisë “arrest me burg” për 6 personat e arrestuar në operacionin “Obelisku”.

Santiljano Basho dhe Mariglen Aliaj të cilët u ndaluan në flagrancë nën akuzën e “armëmbajtjes pa leje” qëndruan në burg.

Pas hekurave me afat 45 ditë mbetën edhe 4 personat e akuzuar për moskallëzim krimi, Bruno Shehu, Mehmet Hoxhaj, Beraldo Xhindi dhe Kevin Metaj. Në mesin e tyre janë edhe pronari dhe kamarieri lokalit ku u ndaluan personat që posedonin armë.

“Obelisku” u zhvillua mbrëmjen e së dielës nga forcat Renea, FNSH dhe drejtoria vendore e policisë së Vlorës.