U kapën me 1kg kokainë, të rinjtë në gjykatë: E kishim për përdorim vetjak

Gjykata e Tiranës caktoi masën ‘arrest në burg’ për dy të rinjtë Klajdi Sejrani dhe Euxhenjo Manushi, të cilët u kapën me 1 kilogramë kokainë.

Serjani është nipi i Pajtim Serjanit, shoku i Emiljano Shullazit  dhe një nga personat që njihet si ‘të fortët e Ish-parkut’.

Ndërsa, Euxhenjo Manushi është djali i saksofonistit të njohur me emrin Adi Sybardhit, pjesë e një grupi muzikor të famshëm për rrymën e tyre të tallavasë.

Gjatë seancës së sotme, dy të rinjtë kanë pretenduar se lëndën narkotike, prej 1 kilogramësh, e kishin për përdorim vetjak dhe jo për ta trafikuar.

Ndonëse avokatët kërkuan masë të butë sigurie, kërkesa nuk u pranua nga Gjykata, e cila i la të dy në qeli.

Sejrani dhe Manushi u kapën në flagrancë me sasinë e kokainës teksa lëviznin me një mjet luksoz në kryeqytet.

Dyshohet se të dy ata, e shisnin kokainën tek grupet e të rinjve, por edhe te personazhe të njohur, por kjo mbetet për tu verifikusr nga ana e prokurorisë së Tiranës.

Organi i akuzës disponon edhe dy celularët e të rinjve, që do shërbejnë për zbardhjen e plotë te kësaj çështje.