Algert Veshti 28 vjeç dhe Agli Limi 20 vjeç janë dy shqiptarët, të cilët kanë rënë në pranga të policisë britanike, pasi u kapën brenda një shtëpie kanabisi në Coventry. Dy të arrestuarit janë kapur nga policia pasi janë pikasur duke u larguar me nxitim nga shtëpia e barit, ku edhe kujdeseshin për rreth 220 bimë narkotike.
Ata kanë para gjykatës ku dhe kanë marrë dënimin me burg. Konkretisht, për Veshtin gjykata vendosi dënim me 18 muaj burg, ndërsa Limi do qëndrojë pas hekurave për 16 muaj. Prokurori Russell Pyne tha se dy shqiptarët u pikasën nga efektivët duke hipur në një makinë Seat më 17 tetor. Nën vështrimin vigjilent të policisë, Veshti më pas u largua në mënyrë ‘të nxituar’ gjë që bëri që oficerët të dyshonin dhe t’i ndiqnin nga pas.
Fillimisht ata u ndaluan si emigrantë të paligjshëm, ndërsa në makinë kishin ‘artikuj me interes’, si materiale ndriçimi apo dhe një qese e madhe plehrash. Limi kishte me vete 1,000 £, ndërsa Veshti kishte 2,000 £. Pas arrestimit, efektivët shkuan në shtëpinë e tyre, ku gjetën 59 bimë kanabis të rritura plotësisht, 85 bimë të vogla dhe 80 fidanë.
Kur u intervistuan, të dy të pandehurit mohuan përfshirjen në operacionin e kanabisit, duke pretenduar se kishin qenë në adresë vetëm për t’u shoqëruar me njerëz të tjerë që i kishin ftuar. Ndërsa veten e përshkruan vetëm si kopshtarë. Megjithatë ky version nuk u besua nga Gjykata.
Discussion about this post