Mbërrijnë në Gjykatën e Shkallës së Parë në Vlorë dy çiftet të ardhur nga Rumania, të cilët tre ditë më parë u arrestuan nga policia e Vlorës, pasi u kapën në afërsi të Qafë-Botës me 260 kg lëndë narkotike.
Bëhet fjalë për shtetasit rumonë që u arrestuan në flagrancë Marius Cimpeanu, 20 vjeç, Mihaela Cimpeanu, 20 vjeçe, Florin Tucan, 24 vjeç dhe Andreea Pislaru, 21 vjeçe.
Gjatë operacionit u sekuestruan 260 kg kanabis dhe 2 automjetet kamper që ishin përshtatur për transportimin e lëndës narkotike.
Gjithashtu janë shpallur në kërkim 5 shtetas, si bashkëpunëtorë në këtë veprimtari kriminale, por për arsye hetimi të dhënat e tyre nuk bëhen publike.
“Gjatë kontrollit të automjeteve të tyre, në tentativë për të dalë nga territori shqiptar, u gjetën të fshehura në një ndarje të fshehtë dhe të përshtatur artificialisht, në automjet, një sasi prej 260 kilogramë lëndë narkotike.Vendet e fshehta të përshtatura u zbuluan në të dy CAMPERAT e sekuestruar”, njoftoi policia.
Nga veprimet hetimore dyshohet se këta shtetas, për llogari të disa bashkëpunëtorëve të tyre shqiptarë, tashmë të shpallur në kërkim, kamufloheshin si turistë, duke marre me qera kampera luksozë, dhe të ndarë në dy çifte kryenin trafikimin e lëndës narkotike nga vendi ynë për në Greqi dhe më tej.
Discussion about this post