Tre shqiptarë janë kapur në kushtet e flagrancës nga policia italiane, e cila u gjeti 300 gram kokainë. Shqiptarët e moshës nga 20 në 34 vjeç u kapën në momentin që do të shkëmbenin drogën në një parking të qytetit.
Sipas dyshimeve, 20- vjeçari ka qenë korrieri që ka sjellë drogën dhe dy bashkatdhetarët e tjerë, të moshës 28 dhe 34 vjeç, kanë pasur për detyrë ta shesin në Pesaro.
Sipas mediave italiane, droga do të shitej në sheshin e Pesaros.
Nuk dihet ende se si kanë mbërritur hetuesit te shqiptarët, por është e sigurt se operacioni që çoi në kapjen e tyre ishte planifikuar me detaje.
Të tre u arrestuan dhe janë në pritje të masës së sigurisë.
Discussion about this post