Dy shqiptarë të moshës 37 dhe 30 vjeç janë arrestuar nga policia italiane pas kapjen së një sasie të madhe kokaine. Të dy shqiptarët rezultojnë të dënuar më parë për posedim me qëllim shpërndarje droge.
Sipas mediave italiane: Policët e skuadrës milaneze identifikuan 37-vjeçarin pas përdorimit të furgonëve me qira, gjithmonë të ndryshëm. Dyshohet se me ta ai dërgonte kokainë në pjesë të ndryshme të Italisë Veriore. Me ndihmën e oficerëve të policisë rrugore, policia ndaloi 37-vjeçarin pranë kabinës së pagesës A7 në Assago (MI). Oficerët gjetën dhe sekuestruan një pako kokainë me peshë afërsisht 1 kg, e fshehur në një kompresor të madh ajri.
Hetuesit gjetën gjithashtu një grup çelësash të një apartamenti në Sorisole (BG). Këtu u gjetën afërsisht 40 pako kokainë të vendosura në tavolinën e kuzhinës dhe 25 pako të tjera të fshehura në strukturën e divanit të dhomës së ndenjes, si dhe një tufë parash, në total prej 6.570 euro, material paketimi droge, një pajisje për vakum, një peshore precize, një peshore, një fletore me llogaritë e veprimtarisë së paligjshme dhe një makinë numërimi parash.
Në brendësi të oborrit të godinës, efektivët panë dhe arrestuan 30-vjeçarin, i cili nuk mundi të justifikonte praninë e tij në vendngjarje, të cilit iu gjetën çelësa që lejonin hyrjen në të njëjtin apartament, të cilin e kishte në dispozicion të plotë. Në total, droga e sekuestruar arrin në rreth 76 kg, e ndarë në pako me logo të ndryshme.
37-vjeçari ka përfunduar në paraburgim në Milano, 30-vjeçari në Bergamo.
Discussion about this post