Policia kantonale e Zyrihut ka arrestuar tre gra në Embrach pasi posedonin lëndë narkotike. Sipas mediave të huaja, policët kantonalë kanë kontrolluar para një prone një kosovare 65-vjeçare me banim në Embrach, të dyshuar për tregti me lëndë narkotike.
Gjatë kontrollit të mëvonshëm të shtëpisë, policia ka gjetur rreth njëmbëdhjetë kilogramë heroinë, katër kilogramë lëndë për përpunim të drogës dhe sasi të vogla kokaine dhe marihuanë, thuhet në një komunikatë të Policisë Kantonale.
Në momentin e ndërhyrjes së policisë, në banesë ka pasur edhe persona të tjerë. Një shtetase 27-vjeçare e Shqipërisë, e cila ndodhet ilegalisht në Zvicër dhe një 23-vjeçare tjetër, po ashtu shtetase shqiptare, por me banim në Embrach, janë arrestuar nën dyshimin se kanë shkelur ligjin për narkotikët.
Tri gratë e arrestuara u dërguan në zyrën e prokurorit publik Uinterthur/Unterland, pasi policia kishte përpunuar rastin. Forcat policore kanë sekuestruar rreth njëmbëdhjetë kilogramë heroinë dhe katër kilogramë materiale për përpunimin e drogës.
Discussion about this post