Dy persona kanë rënë në pranga nga policia pasi shpërndanin lëndë narkotike, kokainë dhe kanabis.
Në pranga kanë rënë 29-vjeçari Ingrid Jaçe banues në Tiranë dhe 23-vjeçari Dino Xhelili banues në Orikum.
Arrestimi i tyre u bë pasi, dy të rinjtë në bashkëpunim me njëri-tjetrin, u konstatuan duke i shitur lëndë narkotike , 20-vjeçarit Enio Hajdini.
Gjatë kontrollit të ushtruar ndaj dy të arrestuarve, janë gjetur dhe sekuestruar në cilësinë e provës materiale doza me lëndë narkotike kokainë dhe kanabis, 1 aparat celular dhe një shumë parash të dyshuara të përfituara nga kjo veprimtari kriminale
Në vijim të veprimeve u procedua në gjendje të lirë dhe 20-vjeçari Enio Hajdini.
Sakaq materialet i kaluan Prokurorisë së Rrethit Gjyqësor Vlorë, për veprën penale “Prodhimi dhe shitja e narkotikëve”.
