Tre drejtues kamionësh janë vënë nën hetim, pasi janë ndaluar nga policia në Levan të Fierit.
Uniformat blu bëjnë me dije se dyshohet se ata transportonin mallra për të cilat nuk dispononin faturë tatimore.
Nën hetim janë vënë personat e identifikuar me iniciale R. D., 55 vjeç, banues në Rrogozhinë, K. B., 45 vjeç, banues në Tiranë dhe R. Zh., 47 vjeç, banues në Gjirokastër.
Pritet që tre drejtuesit e mjeteve të përballen me akuzën për veprat penale “Fshehja e të ardhurave” dhe “Mospagimi i taksave dhe tatimeve”. Ndërsa materialet në lidhje me këtë çështje janë referuar në Prokurorinë e Rrethit Gjyqësor Fier.
Discussion about this post