Një gjykatë në Leeds (Britani e Madhe) vendosi masa sigurie “arrest me burg” për 6 shqiptarët e arrestuar në një “fermë kanabisi”.
Në një ndërtesë të braktisur, në Fieldhouse Walk, Moortown, Leeds, e kthyer në një fermë për kultivimin e kanabisit, u gjet një sasi e barazvlefshme me prej 448,050 £, nëse do të shitej në rrugë.
Gjashtë shtetas shqiptarë u arrestuan në vendngjarje dhe më pas u akuzuan për prodhim kanabisi.
Shqiptarët e arrestuar janë identifikuar si Alitor Deda, 30 vjeç, Erijon Gjoka, 21, Edison Markeci, 21 vjeç, Agostin Marku, 36 vjeç, Ali Qerfozi, 41 vjeç dhe Andi Teta, 32 vjeç, të gjithë banues në Moorfield House.
Ata dolën para Gjykatës së Magjistraturës së Leeds të martën dhe u lanë në paraburgim për t’u paraqitur, në Gjykatën e Kurorës së Leeds më 5 janar.
Discussion about this post