Tre shqiptarë janë dënuar me 14 muaj burg secili dhe më pas do të deportohen nga Britania e Madhe, pasi u kapën në një “fermë kanabisi”.
Shqiptarët e identifikuar si Ndrek Ndoj, Edmond Ndoj dhe Ertil Loca, përkatësisht 26, 23 dhe 22 vjeç, pranuan para gjykatës përgjegjësinë për kultivimin e 540 rrënjë bimë narkotike, me një vlerë tregu 100 mijë paund.
“Prokuroria pranon se ju nuk keni qenë truri i kësaj sipërmarrjeje. Ata që drejtuan operacionin ishin në gjendje t’ju shfrytëzonin për shkak të situatës tuaj në këtë vend”, tha gjyqtari Timothy Petts përpara se të jepte vendimin.
Tre shqiptarët nuk u paraqitën në sallën e gjyqit, por ato ishin present përmes një video nga burgu i Berwyn në Wrexham.
Discussion about this post