Një shtetase zvicerane u kap sot në Rinas nga policia, pasi po tentonte të kalonte kufirin me 1 milionë lekë falso. E ndaluara është shtetasja Jenniffer Colle 39 vjeçe, e cila ka lindur në Zvicër dhe jeton në Tiranë. Forcat e rendit të Sektorit të Hetimit të Krimit Ekonomik gjetën në banesën saj lastra dhe mjete të tjera që shërbejnë për përgatitjen e kartëmonedhave.
Zviceriania jetonte për dy vite në Shqipëri dhe nuk kishte leje qëndrimi. Ajo hiqej si agjente imobilare dhe bashkëpunonte me shtetas të huaj. Më parë janë ndaluar për këtë ngjarje dy shtetas afrikanë Zinedin Nkeh dhe Josoue Ngankam. Ata kishin organizuar një skemë mashtrimi. Skema u zbulua pasi u kap në Rinas kamerunasi 53-vjeçar Josoue Ngankam. Kamerunasi e justifikoi sasinë e parave duke thënë se jetonte në Paris një person emrin të cilit nuk e dinte i ka ofruar një punë.
Discussion about this post