Tre shqiptarë të kapur në një shtëpi bari në Mbretërinë e Bashkuar janë dënuar me nga 22-24 muaj burg, ndërkohë që në vendimin e Gjykatës nuk ka urdhër dëbimi.
Shqiptarët janë arrestuar në mars në një shtëpi bari, ndërsa agjentët sekuestruan një sasi bimësh narkotike (kanabis) me një vlerë tregu prej 88 mijë £.
Shtëpia e barit ndodhej në rrugën kryesore të Bangor. Autorët kishin anashkaluar energjinë elektrike dhe i kishin impiantet në tre kate të një dyqani të zbrazët.
Agron Aruci, 30 vjeç, Bedri Elezi, 36 vjeç dhe Fabjol Mucaj, 21 vjeç, të gjithë shtetas shqiptarë, u deklaruan fajtorë për kultivimin dhe prodhimin e një droge të klasit B – kanabis.
Operacioni për kapjen e tre shqiptarëve u zhvillua në 22 mars, ndërsa agjentët e policisë pikasën në orën 05:00 të atij mëngjesi, një furgon të vogël të bardhë të parkuar jashtë një dyqani bosh.
Dyshimet e tyre u ngritën sepse e dinin se dyqani ishte i pabanuar.
Ata mundën të shihnin dy meshkuj që lëviznin materiale midis dyqanit dhe furgonit dhe një oficer shkoi për të hetuar.
Elezi ka ikur por është kapur aty pranë.
Ai kishte 300 £ para dhe çelësat e furgonit. Aruci, i cili kishte veshur doreza kopshtarie, u përpoq të arratisej nga pjesa e pasme e ndërtesës, por u ndalua aty pranë.
Muçaj u arrestua menjëherë më pas. Policia gjeti një sasi kanabisi të rritur në dyqanin bosh në tre kate.
Policia morri në pyetje të arrestuarit.
Aruci mohoi përfshirjen ndërsa Elezi dhe Muçaj pretenduan se kishin vepruar nën presion.
Një ekspert policie vlerësoi se bimët e kanabisit mund të peshonin shtatë deri në 21 kilogramë dhe të jepnin një rendiment me vlerë të paktën 45,000 £ nëse shiteshin me shumicë ose deri në 88,000 £ me çmime në treg.
Mattheë Buckland, duke mbrojtur Elezin, tha se ai ishte “kryesisht një shofer”. Ai ishte një “punonjës me page, por nuk ka leje për të qëndruar në Britaninë e Madhe.
Richard Edëards, për Arucin, tha se ai mbërriti në MB “me gomone nga Franca” dhe iu tha se duhej të shlyente borxhin që kishte udhëtuar drejt ishullit. Ai kishte shpresuar të punonte në industrinë e ndërtimit, por përfundoi duke prodhuar kanabis.
Mattheë Dunford, që mbrojti Muçaj, tha se klienti i tij mbërriti në MB me kamion. Ai ishte në borxh ndaj njerëzve që organizuan udhëtimin dhe ishte i shqetësuar se familja e tij në Shqipëri do të dëmtohej nëse nuk do të bënte siç i thanë.
Gjykatësja Nichola Saffman e burgosi Elezin për 24 muaj. Ajo gjithashtu burgosi Arucin dhe Muçajn, të dy pa adresë fikse, për 22 muaj secili.
Ajo nuk bëri asnjë rekomandim për dëbimin, duke thënë se ishte një çështje e autoriteteve të Mbretërisë së Bashkuar.
Discussion about this post