Gjatë “Live”-it që bëri me ndjekësit e saj, Einxhel Shkira tregoi se do të shkonte ne emisionin e binjakëve Veshaj vetëm nëse i ofroheshin para.
Duket se kjo deklaratë e moderatores nuk është pritur shumë mirë nga një pjesë e ndjekësve, ku kanë reaguar të revoltuar ndaj saj. Dhe Einxhel, nuk i ka lënë pa i dhënë një përgjigje nëpërmjet disa postimeve në InstaStory.
Sipas moderatores ata e kanë problem të dëgjojnë të vërtetën dhe theksoi se femrat janë shumë maskiliste. Më tej ajo shtoi se të tjerët janë gati të ‘heqin brekët e tyre për klikime’ ndërsa ajo flet të vërtetën.
“Domethënë bëj një “live” të vetëm dhe konstatoj që shoqëria jonë vazhdon të ngelet një shoqëri maskiliste. Edhe më e keqja e di kush është? Më maskiliste nga të gjithë janë vetë femrat. Dhe e keqja tjetër është se një mashkull mund të flasë lirisht për një vajzë, të thojë çfarë ti ketë qejfi,kurse një vajzë nuk mund t’ja përmendi emrin. As kur nuk është duke e sharë.
Kurrësesi mua asnjëherë nuk më lejohet të jap mendimin tim, as të sqarohem, se qani të gjithë. Ju sigurisht vazhdoni të mos më kuptoni mua, madje më keqkuptoni. Nuk e di pse e keni kaq problem të thënurit të vërtetën. Edhe nëse nuk është e vërteta e të gjithëve, është e vërteta ime është ajo çka unë dua të them, nuk ma ndryshoni dot ju.
Mesa kuptoj mezi paskeni pritur që unë të flas, dhe të vazhdoni të lehni. Ju jeni një popull që nuk e doni me të mira, juve ju duhet tju mashtrosh, tju ofendosh, tju vësh në lojë, tju përdorësh. Më vjen inat se të tjerët janë gati me heq edhe brekët e veta për klikime, kurse unë them të vërtetën. Einxhel flet se di të flas dhe mundet të flas,”– tha Einxhel.
Discussion about this post