Ministrja Elisa Spiropali ka reaguar mbi kritikat që iu bënë pasi ndërroi 3 herë veshjen gjatë vizitës zyrtare në Ukrainë. E ftuar në emision, ministrja tha se ai udhëtim ka qenë shumë i gjatë, dhe se ndërrimi i kostumeve ishte akt higjenik.
“ Unë e fal padijen, por jo ligësinë. Dhe keqardhje e madhe për mënyrën sipërfaqësore sesi disa njerëz, disa portale, e pasqyrojnë përfaqësimin e Shqipërisë aty, sidomos për një anëtare te delegacionit, grua. Ne ishim 24 orë në tren, dhe mbi të gjitha ishte një akt higjenik për të gjithë anëtarët e delegacionit, por sigurisht ne gratë merremi më shumë. U munduam aty të tregonim dinjitetin e Shqipërisë, atë që ka bërë dhe do të bëjë, dhe atë që meriton Ukraina. Nuk kam asnjë koment tjetër se të them të drejtën ligësia më duket qesharake”, shprehet Spiropali.
Discussion about this post