Sa herë postohet në rrjetet sociale një fotografi ku shfaqet prindi duke puthur në buzë fëmijën e tij, menjëherë nisin komentet e shumta ku ndjekësit ndahen pro dhe kundër këtij gjesti.
Janë të shumtë personazhet e njohur të ekranit që në rrjetet e tyre sociale postojnë imazhe të tilla, ku mes tyre është edhe Jonida Vokshi.
Kjo e fundit ishte mëngjesin e sotëm e ftuar në emisionin “Wake Up”, ku foli në lidhje me fotot ku puth vajzën e saj, Emin, në buzë.
Jonida shprehet se ka një dyshim për puthjet në buzë të prindërve me fëmijët në rastin e seksit të kundërt, megjithatë shton se nuk është shumë e qartë për këtë.
“Unë nuk jam as pro as kundra në sensin që mund të kem një dyshim timin tek sekset e kundërta, kur babai puth vajzën ose kur nëna puth djalin. Nuk është se e kam shumë të qartë nëse do të kisha një djalë por thjesht me Emin nuk e kam këtë. Unë e puth atë kudo, e haj, e shkëlyej”– u shpreh Jonida.
Më tej ajo zbuloi se është në planet e saj edhe një fëmijë i dytë.
“Nuk dua ta lë Emin vetëm. Me shumë dëshirë dua t’i bëj Emit një motër. Nëse është në dëshirën çfarë dua unë të kem, do doja të provoja ndjesinë e një djali”- u shpreh Jonida.
Discussion about this post