Aleksander Mici është emigranti shqiptar që iku nga komunizmi dhe po kërkon të rrëzojë senatorin veteran të Nju Jorkut, Chuck Schumer, liderin e fuqishëm të mazhorancës demokrate.
Mici duke kujtuar të shkuarën tij në Shqipëri, tha se Schumer dhe partia e tij po votojnë për rritjen e taksave.
“Unë po vuaja, si miliona shqiptarë, nën një diktaturë tiranike komuniste dhe po luftoja për të arritur në Amerikë. Dhe tani pothuajse tre dekada më vonë, e kaluara është prolog: nën udhëheqjen e Chuck Schumer, demokratët ende po bëjnë gjithçka në fuqinë e tyre për të rritur kostot për gjithçka, ndërsa amerikanët e përditshëm luftojnë,” tha Mici.
Mici, 46 vjeç, do të nisë zyrtarisht fushatën të enjten. Ai po drejton një fushatë të pafavorshme, tha ish-senatori Republikan Al D’Amato, të cilin Schumer e mundi në një garë të vështirë të vitit 1998. Schumer, një ish kongresmen, po kërkon një mandat të pestë.
“Schumer është një senator popullor, punëtor dhe i njohur. Është një betejë e vështirë për këdo, e lëre më për një kandidat të panjohur, “tha D’Amato, i cili tani është një lobist.
Mici, një avokat nga Bronks, ka kandiduar më parë për Këshillin Bashkiak dhe Senatin e Shtetit. Ai mblodhi një numër mbresëlënës prej 45 për qind të votave në garën e fundit të Këshillit Bashkiak të Distriktit 34, një distrikt me shumicë dërrmuese demokratike.
Mici, i cili u largua nga Shqipëria në vitin 1991, tha se rritja nën regjimin brutal të Hoxhës ishte një përvojë formuese në jetën e tij dhe kjo është arsyeja pse ai e do Amerikën dhe përçmon socializmin.
Discussion about this post