Policia në Librazhd njofton se ka gjetur në gjendje të mirë shëndetësore një 20-vjeçare, e cila ishte raportuar e humbur. E reja ka thënë përpara oficerëve të policisë se është larguar nga banesa me dëshirën e saj. Ajo tha se nuk ka asnjë person tjetër të përfshirë në këtë situatë
“Në vijim të informacionit të dhënë për largimin nga banesa në Librazhd, më datë 14.02.2025, të shtetases Xh. R., 20 vjeçe, informojmë se kjo shtetase është gjetur në gjendje të mirë shëndetësore. Ajo ka deklaruar se është larguar nga banesa, me dëshirën e saj, si dhe se nuk ka asnjë pretendim ndaj asnjë shtetasi”, njofton policia.
Ndërkohë po vazhdojnë hetimet për të zbuluar arsyet pse vazja vendosi të largohet dhe të shkëpuste kontaktet me prindërit e saj.
Discussion about this post