Emerson Royal nuk e ka pritur aspak mirë largimin nga Barcelona drejt Tottenham. Mbrojtësi qëndroi për vetëm një muaj te klubi katalanas, të cilët më pas e shitën te Spurs.
Së fundmi lojtari është shprehur se ai nuk donte të largohej, mirëpo Blaugrana nuk i kishte lënë asnjë mundësi tjetër.
“Unë nuk dija asnjë gjë për këtë tratativë. Mbasdite klubi më telefonoi dhe më kërkoi një takim. Aty më njoftuan për shitjen në Angli dhe arsyeja është fakti që klubi gjendet në vështirësi financiare.
Unë doja të qëndroja, por nuk kisha mundësi tjetër dhe vendosa të largohesha. A ndihem i përdorur? I përdorur nuk mund ta them, sepse nuk do të ishte e drejtë.
Fjala e saktë do të ishte i lënduar, unë ndjehem i lënduar nga mënyra se si klubi spanjoll veproi me mua. Ata mund të kishin vepruar më mirë në këtë situatë”,– u shpreh Emerson./Gijotina.com
