Lionel Messi do të largohet nga Barcelona këtë verë në një nga transferimet më të mëdha të historisë së futbollit.
Superylli, i cili u bashkua me Barçën në moshën 13-vjeçare, besohej se ishte afër të binte dakord për një kontratë të re, por kufizimet financiare do të thotë që marrëveshja nuk mund të finalizohet.
Manchester City tani mund të marrë lojtarin, i cili tashmë është i lirë dhe transferimi mund të bëhet më i lehtë.
Do të ishte një veprim i guximshëm për ‘Citizenët’ pasi ata realizuan transferimin rekord britanik prej 100 milionë paundësh për yllin e Aston Villa, Jack Grealish, i cili u bashkua me ta me një marrëveshje gjashtëvjeçare.
Raportet në fillim të kësaj jave pretendonin se kontrata e Messit do të konfirmohej së shpejti, me vetëm detajet më të imëta për tu rregulluar.
Barcelona ka konfirmuar se Messi do t’i japë fund karrierës së tij të shkëlqyer në Camp Nou dhe shprehën keqardhjen e tyre që dëshirat e lojtarit dhe klubit nuk mund të përmbushen.
Zhvillimi është një kthesë e madhe, pasi besohej se Messi kishte rënë dakord të pakësonte pagën për një marrëveshje të re pesëvjeçare.
Messi nuk arriti të realizojë një marrëveshje me Barcelonën para 1 korrikut, duke e bërë atë një lojar të lirë.
Tani ai ka të ngjarë të ketë një sfidë të re në të ardhmen, me Paris Saint-Germain që gjithashtu thuhet se është shumë i interesuar për ikonën.
Dhe të mërkurën ylli i PSG Neymar publikoi një foto në rrjetet sociale, ku shfaqej me Messin së bashku me treshen e PSG-së Angel Di Maria, Leo Parades dhe Marco Veratti, me titullin: ‘amigos’, si një mesazh për kalimin e mundshëm të argjentinasit në Francë.
Megjithatë ditët në vijim do të na tregojnë se në cilin kampionat do të shohim Messin këtë sezon në Premier League apo në Ligue 1./Gijotina.com
