Zoran Zekiç është zyrtarisht trajner i NK Osijek.
Lajmi është bërë i ditur nga vetë klubi kroat përmes një postimi në rrjetet sociale.
Që prej 11 tetorit, tekniku kroat Zoran Zekiç nuk është më trajner i “demave të kuq” të Partizanit, me 49-vjeçarin, që do të marrë në ditët në vijim, drejtimin e skuadrës së Osijek, pas vetëm 4-muajsh punë në krye të stolit të Partizanit.
Pas largimit, tekniku kroat është prezantuar sot zyrtarisht te skuadra e Osijek, me vetë klubin që i ka njoftuar tifozët mbi vendimin, me anë të një postimi në porfilet zyrtare të klubit në rrjete sociale.
“Zoran Zekiç është trajneri i ri bardhekaltërve!”,- shkruhet në profilin e klubit kroat.
Zekiç drejtoi vetëm për 5 muaj “demat e kuq” të Partizanit. Këta të fundit përfituan 100 mijë euro për të lënë të lirë trajnerin që t’i bashkohej klubit ku u bë i njohur në vendlindjen e tij.
Discussion about this post