Sekretari i Jashtëm britanik, David Cameron, i është dashur të ndërpresë vizitën zyrtare në Tiranë, për shkak se duhej të kthehej në Britaninë e Madhe për të marrë pjesë në mbledhjen urgjente të thirrur nga kryeministri Rishi Sunak.
Ministria e Punëve të Jashtme, Komonuelthit dhe Zhvillimit përmes një postimi në Tëitter, bën me dije se Cameron e ka telefonuar Begaj pas largimit nga Tirana. Ata kanë diskutuar për rolin e Shqipërisë si anëtare e NATO-së, ndëra ka rikonfirmuar mbështetjen e palëkundur për Ukrainën dhe përballjen me sfidat rajonale.
Postimi nga Ministria e Punëve të Jashtme, Komonuelthit dhe Zhvillimit
Sekretari i Jashtëm pati një telefonatë me presidentin shqiptar Bajram Begaj, sot pas vizitës së tij në Tiranë. Ata diskutuan rolin e rëndësishëm të Shqipërisë si një aleate e ngushtë e NATO-s dhe rikonfirmuan mbështetjen tonë të palëkundur për Ukrainën dhe përballjen me sfidat rajonale.
The Foreign Secretary had a call with Albanian President @BajramBegajAL today following his visit to Tirana.
They discussed Albania’s important role as a close NATO ally and reaffirmed our steadfast support for Ukraine and confronting regional challenges.
— Foreign, Commonwealth & Development Office (@FCDOGovUK) May 22, 2024
Edhe kreu i Shtetit, Bajram Begaj, ka reaguar, pas bisedës telefonike të zhvilluar me Sekretarin e Jashtëm Britanik David Cameron. Ai thekson se kanë diskutuar për forcimin e mëtejshëm të lidhjeve tona si aleatë të vjetër të NATO.
Po ashtu, Begaj thotë se ka falënderuar Mbretërinë e Bashkuar për kontributin që ajo ka dhënë për vendin tonë në mbrojte, siguri kibernetike, dhe për shumë çështje të tjera si në polici dhe në reformën gjyqësore.
“Kisha një telefonatë sot me Zotin David Cameron, Sekretari Britanik i Shtetit për Çështjet e Jashtme, Komonuelthit dhe Zhvillimit.Ne diskutuam për forcimin e mëtejshëm të lidhjeve tona si aleatë të vjetër të NATO-s. Mirënjohës për mbështetjen e fuqishme të MB në mbrojtje, siguri kibernetike, polici dhe reformën gjyqësore, krahas përpjekjeve tona të përbashkëta për të luftuar krimin dhe korrupsionin. Rritja e trupave të Mbretërisë së Bashkuar në KFOR vlerësohet veçanërisht”, shkruan Begaj.
Discussion about this post