Pak ditë pas largimit nga Top Channel, gazetari dhe moderatori i njohur Sokol Balla, do të bëhet pjesë e një tjetër TV në vend, atë të Report TV. Burime zyrtare për Gijotina.com konfirmuan se Balla do të nisë zyrtarisht më 1 nëntor transmetim nën logon e Report TV me emisionin e tij “Real Story”.
Balla ka liruar zyrën e Drejtorit të Informacionit në Top Channel disa ditë më parë pas përplasjeve të vazhdueshme me Lori Hoxhën. Përplasja mes të dyve duket se ka nisur pas disa serive të publikuara në “Inside Story”, të cilat thuhet se nuk i kanë pëlqyer Lorit, duke “vulosur” fatin e Ballës në Top Channel.
Në mbyllje të puntatës së fundit të emisionit, vetë Balla deklaroi se donte të vijonte të qëndronte në Top Channel, por kjo nuk varej nga ai, dhe vetëm pak ditë më vonë u konfirmua largimi i tij.
Sokol Balla u rikthye në Top Channel më 1 mars të këtij viti. Ishte vetë gazetari i cili postoi një foto të godinës së televizionit, por mesa duket rikthimi i tij në Top paska qenë “jetëshkurtër”, ndërsa së shpejti do ta shohim nën logon e Report TV.
Discussion about this post