Veprimi i bërë nga Cristiano Ronaldo në ndeshjen që Manchester United po luante ndaj Tottenham është kthyer çështjen kryesore të mediave.
Portugezi u largua nga fusha pa u mbyllur ndeshja kur kuptoi se nuk do të kishte asnjë minutë në këtë përballje, veprim ky që ka çuditu të pranishmit në “Old Trafford”.
Incidenti i hoqi shkëlqimin e fitores mbresëlënëse të Unitedit, me Ten Hag që pretendon se do të merret me incidentin. Holandezi donte të minimizonte situatën, por zbuloi se nuk kishte folur me Ronaldon përpara se të largohej.
“Nuk i kushtoj rëndësi kësaj, do të merrem me këtë nesër (sot). Dua të mbaj fokusin te ekipi.
Ai ishte aty, e kam parë por nuk kam folur. Ne po festojmë këtë fitore dhe tani duhet të rikuperojmë dhe një tjetër lojë të madhe të shtunën ndaj Chelseat. Liga Premier është shumë emocionuese”, përfundoi holandezi.
Discussion about this post