Ish-ministrja e Bujqësisë Frida Krifca duket se është angazhuar sërish me një detyrë të rëndësishme pasi u largua nga posti që e mbajti për disa vite.
Burime konfirmojnë për BalkanWeb se ajo tashmë është sistemuar me një zyrë të ngjashme me ato që kanë këshilltarët e Kryeministrit në katin e tretë të kryeministrisë.
Megjithatë burimet nuk e specifikuan se çfarë pozicioni ka aktualisht ish ministrja e kabinetit Rama.
Vitet e fundit ajo shërbeu fillimisht si drejtoreshë e AZHBR dhe ministre e Bujqësisë, pozicion të cilin e la pasi në media u publikua skandali i shpërdorimit të fondeve të BE për bujqësinë.
Për këtë të fundit Frida Krifca po hetohet nga OLAF, zyra e posaçme e BE për korrupsionin dhe njëkohësisht çështja e saj është në dosjet aktuale të prokurorëve të SPAK.
Nuk dihet se përsa kohë Krifca do të mund të mbajë këtë pozicion të ri, por duket si një skenar i ngjashëm me atë të Ilir Beqajt, që u emërua nga Edi Rama si kryenegociator me BE-në, pozicion që e gëzoi vetëm pak javë, pasi u mor nën hetim nga SPAK.
Discussion about this post