Kalimi i Rafahut është mbyllur menjëherë pasi kaluan 20 kamionë me ndihma, raporton CNN.
Pikëkalimi kufitar mes Egjiptit dhe Gazës është hapur të shtunën, duke mundësuar dërgimin e ndihmave tejet të nevojshme humanitare për palestinezët, të cilët kanë mbetur pothuajse pa ushqim, ilaçe dhe ujë në territorin e tyre të rrethuar nga Izraeli.
Izraeli e rrethoi dhe e bllokoi Rripin e Gazës duke e nisur një valë bombardimesh, pas sulmit nga militantët e Hamasit në qytetet jugore të Izraelit më 7 tetor. Shumë njerëz në Gazë, të cilët nuk kanë mundësi ta hanë më shumë se një shujtë ushqim në ditë dhe s’kanë ujë të mjaftueshëm të pijshëm, ishin në pritje për ndihmat e nevojshme.
Spitalet në Gaza janë gjithashtu në gjendje të rënduar dhe kanë nevojë urgjente për furnizime me ilaçe dhe karburant për gjeneratorët e tyre, në përpjekje për t’i shëruar qindra njerëz të plagosur nga bombardimet.
Discussion about this post