Një nga ngjarjet më tronditëse të ditëve të fundit ishte edhe rrëmbimi e më pas vrasja pa mëshirë e 14-vjeçares Vanja Gjorçevska në Maqedoninë e Veriut. Fakti që e bën më të rëndë këtë ngjarje është përfshirja e babait në vrasjen e të miturës, e gjitha për të përfituar para.
Së fundmi, hetuesit kanë zbuluar se 14-vjeçarja pasi është rrëmbyer, është futur brenda bagazhit të një makine me duar dhe këmbë të lidhura.
Pas disa orësh izolimi në bagazh ajo ka humbur jetën nga asfiksia. Kur panë se plani i tyre për të shantazhuar nënën e saj që t’i merrnin para, dështoi, ata e kanë qëlluar me armë zjarri.
Në rrëmbimin dhe vrasjen e 14-vjeçares kanë marrë pjesë 5 persona, mes tyre edhe babai i vajzës i cili ka informuar rrëmbyesit për lëvizjet e saj.
Ky i fundit është lënë në paraburgim bashkë me tre të arrestuarit e tjerë, Velibor Manev, Vlatko Keshisov dhe Bore Videvski, ndërsa fletëarresti ndërkombëtar është lëshuar për Ljupço Palevskin, të dyshuarin e vrasjes së 14-vjeçares.
Shkak për rrëmbimin dhe vrasjen e 14-vjeçares është bërë motivi ekonomik. Babai i saj do zhvaste para nga nëna e 14-vjeçares dhe ato do i ndante më pas me rrëmbyesit.
Discussion about this post