Einxhel dhe Dagz gjatë rrugëtimit në “Big Brother Vip” ishin një ndër çiftet më të lezetshme që u krijuan, kjo dhe për shkak të natyrës shpërthyese të moderatores dhe qetësisë të Dagz-it, që i qëndronte përballë.
Edhe pas përfundimit të BBV, ata vazhdojnë ta shijojnë lidhjen e tyre. Së fundmi, ata kanë treguar se gjërat mes tyre janë bërë serioze, madje dhe familjare.
Të ftuar në “Natën me Aulonën”, çifti treguan edhe një shaka që bëjnë mes tyre, sikur gjithçka është lojë.
Madje në shakanë ata kanë përfshirë dhe Semin, e cila u ka qëndruar shumë pranë të dyve dhe me Dagzin kryesisht gëzon një miqësi të bukur.
“Ne gjithmonë e bëjmë një shaka mes vetes që 1 muaj do rrimë që të duket se e kemi pasur seriozisht lidhje brenda”, tha Dagz.
Ndërsa Einxhel ia priu: “Në fillim tha vetëm dy javë, rrimë nja dy javë tha që të mos mërziten njerëzit, pas dy javësh ndahemi. Ok, i thashë, ashtu e bëjmë. Sigurisht që kjo ishte shaka, pa diskutim. Pas nja dy ditësh që po rrinim bashkë, më thotë e mban mend që të thashë atë muhabetin e dy javëve, a e bëjmë 1 muaj se nuk jam gati të ndahem? E forta ka qenë kur i kemi thënë Semit ne nuk jemi të lidhur me vërtetë, gjithçka është një lojë, e kemi bërë për lojë. Ngeli ajo”.
Discussion about this post