U lirua nga burgu/ Erzen Breçani paraqitet në SPAK, zbulohet arsyeja

Ish-drejtuesi i policisë Erzen Breçani është paraqitur para pak minutash në ambientet e SPAK. Pritet që në seancë atij t’i komunikohet akuza.

Kujtojmë se Breçani ndodhet nën masën e sigurisë “arrest shtëpie”.

Ish-zëvendësdrejtori i policisë së Tiranës u arrestua në muajin nëntor të vitit 2023 me urdhër të Prokurorisë së Posaçme Antikorrupsion, nën dyshimin se ka kryer veprën penale “ përkrahje e autorit të krimit” dhe “pastrim parash”.

Përveç Breçanit, me urdhër të SPAK u arrestuan edhe Dedan Gjoni, ish-shefi i krimeve në komisariatin numër 6, Bujar Ajeti si dhe Besmir Murtati.