Dritan Goxhaj, ish-luftëtari i UÇK-së i cili u lirua ditën e djeshme pas arrestimit të tij më 31 korrik në Tiranë me kërkesë nga Prokuroria Speciale e Kosovës, ka folur ekskluzivisht për gazetaren Mirilda Tili.
Goxhaj akuzohej për nxjerrjen e të dhënave të bashkëpunëtorëve të drejtësisë në çështjet që kanë të bëjnë me luftën në Kosovë, në një shkrim të publikuar nga ai në janar të këtij viti.
Goxhaj e nisi fjalën me një falënderim për mediat, që e kanë mbështetur përgjatë gjithë kësaj periudhe, që nuk e lanë të luftonte vetëm por edhe për reagimin e djalit të tij, pasi atij ju vunë prangat në sytë e tij.
“Dua të falënderoj juve, median se luftuam bashke, nuk me latë vetëm. Luftën më të madhe e bëtë ju, që më mbeshtetet për të kërkuar këtë drejtësi. Fëmijët janë të vegjël, i gjeta mirë, u gëzuan. Ata kanë botën e tyre”– tha Goxhaj.
Më tej Goxhaj, tha se priste që të kishte reagime mbi ato cfarë ai kishte deklaruar në shkrim por nuk priste veprimin e shtetit shqiptar. Ai tha se duhej thirrur fillimisht mbi deklarimet e tij dhe jo të arrestohej.
Goxhaj: I qëndroj asaj që kam thënë. Atdhetarizmi nuk është si shamitë e bukura, që kur veshim një kostum të bukur e vendosim që të ngjajë bukur. Patriotizmi nuk është prone e kurrëkujt, është një forme e gjithë popullit, njrëzve që kërkojnë të funksionojë shteti si institucion.
Ne momentin që kam bërë artikullin më kane thënë shokë të luftës që ki kujdes, se këta nuk do e lënë me kaq. Dhe kam pritur që gjykata dhe prokuroria do reagonte. Ajo që nuk prisja ishte veprimi i shtetit shqiptar. Pjese e administratës shqiptare, ministria e dejtësisë, policisë dhe një pjese e Prokurorise mënyra se si reguan.
Mënyra se si vepruan. Prisja një ftesë, një pyetje, sic e parasheh edhe ligji. Prokurori duhet të më thërriste, të më kërkonte arsyet e rrethanave . Veprimi nga ana e shtetit në këtë mënyrë, ishte e papritur. Perkulja e shtetit deri ne fund, ishte gjëja që më doli jashtë cdo të papriture.
Do shkruanit të njëjten gjë, siç bëre në janar të 2023?
Goxhaj: Absolutisht po. Ato nuk janë të vetmit emra që kam deklaruar, ka edhe emra të tjerë. Do vazhdoj të shkruaj, në burg njeriu behet edhe me i qartë.
Discussion about this post