Kryetarja e Komisionit për Integrimin Europian, njëkohësisht deputete e Partisë Demokratike Jorida Tabaku, u shpreh gjatë fjalës së saj se edhe pse opozita dhe pozita ndahen nga njëra-tjetra, integrimin e Shqipërisë duhet ta kenë si plan të përbashkët për të ardhmen.
“Ne mund të kemi mënyrë të ndryshme sesi mund t’i bëjmë punët, por besoj se do të biem dakord që raportimet për këtë proces i interesojnë jo vetëm opozitës, por edhe qytetarëve shqiptarë. Kemi 8 vite që ne dhe qytetarët jemi lodhur me retorikën e fjalëve, por të kalojmë tek veprat”, tha Tabaku.
Gjithashtu në këtë komision, ishte e pranishme për të raportuar Kryenegociatorrja Majlinda Dhuka.
Kryetarja e Komisionit, Tabaku nënvizoi rëndësinë e këtij raportimi, pasi sipas saj “Gjatë vitit të fundit kemi pasur marrëdhënie të kufizuar me kryenegociatorin dhe ministrinë e Jashtme, në çështjet e raportimit. Uroj të jetë një fillim i mbarë për një punë të përbashkët, duke patur parasysh roli e Kuvendit në monitorimin dhe mbikëqyrjen e këtij procesi”.
Discussion about this post