Gruaja në foto është 37-vjeçarja, Jetlira Elezi e cila u gjet e vdekur ditën e sotme brenda banesës së saj në Elbasan. Bashkëjetuesi i saj, Ramis Mici mësohet ta ketë sulmuar disa herë me thikë derisa e ka lënë të pajetë.
Ngjarja dyshohet të ketë ndodhur për motive xhelozie, ndërsa çifti bashkëjetonin prej 6 vitesh. Konfliktet mes tyre kanë lindur katër ditët e fundit duke bërë që Jetlira të kryente kallëzim në polici dhe të merrte urdhër mbrojtje.
Fqinjët, njëkohësisht edhe pronarët e banesës ku rrinin prej një muaji me qira çifti i bashkëjetuesve, bëjnë me dije se viktima kishte në plan që ditën e sotme të largohej nga banesa për t’u shpërngulur në një tjetër ambient më afër shkollës së vajzës së saj.
E ndjera 37 vjeçare, ishte e divorcuar dhe kishte një vajzë të mitur e cila jetonte së bashku me të.
Ndërkohë ende nuk është bërë i mundur arrestimi i 37-vjeçarit Ramis Mici, i cili pasi kreu vrasjen u largua menjëherë nga vendngjarja.
Discussion about this post