Një ngjarje e rëndë është regjistruar në Itali ditën e sotme ku një 37-vjeçare shqiptare u godit me thikë në Vittoria, në zonën ndërmjet rrugës Adua dhe rrugës Tenente Alessandrello ndërsa priste djalin para shkollës.
Shqiptarja është identifikuar si Bruna Meuca Hella, ndërsa sipas mediave italiane ajo është sulmuar me thikë përpara shkollës së djalit të saj 10-vjeçar.
Ajo është goditur disa herë me thikë nga një burrë, i cili dyshohet se mund të jetë ish-bashkëshorti.
Bruna banonte pranë shkollës dhe ajo ka shkuar në shtëpinë e saj përpara se të lajmëronte ambulancën. Pavarësisht nxitimit për ta transportuar për në spital, Bruna ka mbërritur e pajetë në duart e mjekëve.
Tashmë agjentët e mjekësisë ligjore janë duke punuar në zbardhjen e ngjarjes.
Discussion about this post