U mbyt në lumin Mat, identifikohet i riu (Emri)

Është identifikuar nga uniformat blu i riu që është mbytur në rrjedhën e lumit Mat ditën e sotme.

Bëhet me dije se viktima është 22 vjeçari, Valentin Nikolli lindur në Rubik dhe banues në Fushë-Milot.

22-vjecari ka qenë së bashku me dy persona të tjerë. Sipas dëshmisë së njërit prej tyre, Nikolli ka hequr rrobat për t’u larë dhe më pas rrjedha e lumit e ka marrë me vete.

Polica dhe ekipi i polumbarëve po punojnë për të gjetur trupin e  të riut në rrjedhën e lumit Mat.

“Në lumin Mat, në territorin e njësisë administrative Zejmen, në vendin e quajtur “Ura me harqe”, shtetasi V. N., 22 vjeç, banues në Milot, dyshohet se gjatë peshkimit me shokët e tij, aksidentalisht ka rënë në lumë dhe e ka marrë rrjedha.

Në vendngjarje kanë shkuar shërbimet e Policisë dhe skuadra e polumbarëve e Repartit Special RENEA, të cilët kanë filluar kërkimet për gjetjen e 22-vjeçarit.

Grupi hetimor, në drejtimin e Prokurorisë, po pyesin në cilësinë e personave që kanë dijeni për rrethanat e ngjarjes, shokët e shtetasit V. N. që kanë qenë bashkë me të, me qëllim sqarimin e plotë të ngjarjes”, njofton policia.