Erion Braçe i ka dalë në mbrojtje kryebashkiakut socialist të Mallakastrës, Qerim Ismailaj. Ish-zv/kryeministri ka reaguar ashpër nëpërmjet një postimi në rrjetin social “Facebook”. Ai e ka konsideruar të pafajshëm Ismailajn e jo një gangster, pasi sipas tij ka bërë punë të ndershme. Në fjalët e tij duket qartë mbrojtja që i bën kryebashkiakut duke kundërshtuar dhe akuzat e ngritura.
Ndër të tjera Braçe përmend disa akuza, me të cilat nënkupton ata politikanë të cilët janë pasuruar nëpërmjet krimit.
Në fund të reagimit të tij, Braçe ka përmendur dhe dekriminalizimin për të cilin pohon se shërben si amnisti për gangsterët e vërtetë politikë.
“Dekriminalizimi për fat të keq po shërben si amnisti për gangsterët e vërtetë politikë”, shkruan Braçe.
Qerim Ismailaj, një ditë më parë u mor i pandehur nga SPAK për një dënim që ka marrë nga një gjykatë greke disa vite më parë.
