Rreth 135 qytetarë janë shoqëruar në komisariat nga policia, teksa ishin duke protestuar për rritjen e çmimeve në vend.
Policia është përplasur me qytetarët duke i marrë me forcë nga turma. Mes të arrestuarve, janë edhe vajza të cilat gjithashtu janë shoqëruar me forcë drejt furgonit të policisë.
Përpos, arrestimeve me forcë, policia ka dalë me një njoftim për shtyp duke bërë thirrje për personat që kanë bllokuar rrugët dhe kundërshtojnë punonjësit e Policisë, të ndalin menjëherë këto veprime dhe të shpërndahen, pasi do përballen me forcën e ligjit.
Policia e Shtetit deklaron se nuk do të tolerojë veprime që bien ndesh me ligjin dhe cënojnë rendin e sigurinë, lëvizjen e lirë të qytetarëve dhe të automjeteve.
Discussion about this post